79 കാരന് ചായയിൽ മയക്കുമരുന്ന് കലക്കി നൽകി ബോധരഹിതയാക്കിയ ശേഷം പണം തട്ടിയ യുവതി പിടിയിൽ

23-11-2023

കൊച്ചി: വൈറ്റില ജനത റോഡിൽ 79 കാരന് ചായയിൽ മയക്കുമരുന്ന് കലക്കി നൽകി ബോധരഹിതയാക്കിയ ശേഷം പണം തട്ടിയ യുവതി പിടിയിൽ. വൈറ്റില സ്വദേശി ശശിധരൻ എന്നയാൾക്ക് ചായയിൽ മയക്കു മരുന്ന് കലക്കി നൽകിയ ശേഷം ബോധരഹിതനാക്കി 16000 രൂപ മോഷ്ടിച്ചെടുത്ത തമിഴ്മനാട് സ്വദേശി ഭുവനേശ്വരിയാണ് പോലീസ് പിടിയിലായത്.

ശശിധരന്റെ മകളുടെ പരാതിയിലാണ് മരട് പോലീസ് അന്വേഷണം ആരംഭിച്ചത്. തുടർന്ന് വീട്ടുജോലിക്കാരിയായ പ്രതിയെ പോലീസ് ഇവർ ജോലി ചെയ്യുന്ന വീട്ടിലെത്തി പിടികൂടുകയായിരുന്നു. അതേ സമയം പ്രതിയായ ഭുവനേശ്വരി തന്റെ മകൾക്ക് മാനസീകരോഗത്തിന് നൽകുന്ന മരുന്നും ശശിധരന് നൽകിയതായി പോലീസ് സംശയിക്കുന്നുണ്ട്.

ചായയിൽ കലക്കിയ മയക്കുമരുന്നിന്റെ ബാക്കി ഇവർ താമസിക്കുന്ന വീട്ടിൽ നിന്നും പോലിസ് കണ്ടെത്തിയിട്ടുണ്ട്. ശശിധരന്റെ വീട്ടിൽ വീട്ടുജോലിക്ക് നിന്നപ്പോഴാണ് പ്രതി ഭുവനേശ്വരി ഇത്തരത്തിൽ ചായയിൽ മായക്കുമരുന്ന് നൽകി ബോധരഹിതനാക്കിയത്. എറണാകുളം അസ്സി. പോലീസ് കമ്മീഷണർ രാജ്കുമാറിന്റെ നിർദ്ദേശപ്രകാരം രൂപികരിച്ച അന്വേഷണസംഘത്തിൽ മരട് സ്റ്റേഷൻ എസ് ഐ സെബാസ്റ്റ്യൻ പി ചാക്കോ,എഎസ്ഐ രജിമോൻ എൻ എസ്, സിപിഒമാരായ രതീഷ് കെ ബി, രശ്മി രാജേന്ദ്രൻ, ശാന്തിനി പി എസ് എന്നിവരുമുണ്ടായിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു. അതേസമയം പ്രതിയെ കസ്റ്റഡിയിൽ വാങ്ങി വിശദമായി അറന്വഷണം നടത്തുമെന്ന് മരട് റപാലീസ് അറിയിച്ചു.