തിരുവനന്തപുരം രാജ്യാന്തര വിമാനത്താവളത്തിൽ യാത്രക്കാരുടെ എണ്ണത്തിൽ വർധന

തിരുവനന്തപുരം രാജ്യാന്തര വിമാനത്താവളത്തിൽ യാത്രക്കാരുടെ എണ്ണത്തിൽ വർധന. ഓഗസ്റ്റ് മാസം 3.73 ലക്ഷം പേർ തിരുവനന്തപുരം വിമാനത്താവളം വഴി യാത്ര ചെയ്തു. മുൻവർഷം ഓഗസ്റ്റിൽ ഇത് 2.95 ലക്ഷമായിരുന്നു. യാത്രക്കാരുടെ എണ്ണത്തിൽ 29 ശതമാനത്തിൻ്റെ വർധനവാണ് ഉണ്ടായിരിക്കുന്നത്. ഇതിൽ 1.97 ലക്ഷം പേർ ആഭ്യന്തര യാത്രക്കാരാണ്. 1.75 ലക്ഷം പേരാണ് വിദേശരാജ്യങ്ങളിലേക്ക് പറന്നത്. യാത്രക്കാരുടെ എണ്ണം കൂടുന്നതോടെ വിമാനത്താവളത്തിൽ കൂടുതൽ സൗകര്യങ്ങൾ ഒരുക്കാനുള്ള പദ്ധതികൾ പുരോഗമിക്കുകയാണ്.