ചലച്ചിത്ര ശ്രേഷ്ഠ പുരസ്കാരം നടൻ കുഞ്ചന് സമ്മാനിച്ചു

19-01-2023

തിരുവനന്തപുരം : പ്രേംനസീറിന്റെ നല്ല മനസ്സ് പുതുതലമുറ കണ്ടുപഠിക്കണമെന്ന് സ്പീക്കർ എ.എൻ.ഷംസീർ. പ്രേംനസീർ സ്മൃതിസംഗമം ഉദ്ഘാടനം ചെയ്യുകയായിരുന്നു സ്പീക്കർ. കലയെയും സുഹൃദ്‌ബന്ധങ്ങളെയും ആത്മാർഥതയോടെ കാത്ത നടനാണ് നസീറെന്നും അദ്ദേഹം പറഞ്ഞു. 

നസീർ സുഹൃദ്‌സമിതി സംഘടിപ്പിച്ച ചടങ്ങിൽ ചലച്ചിത്ര ശ്രേഷ്ഠ പുരസ്കാരം നടൻ കുഞ്ചന് സ്പീക്കർ സമ്മാനിച്ചു. ചലച്ചിത്ര പുരസ്കാരദാനത്തിന്റെ ഉദ്ഘാടനം മന്ത്രി ആന്റണി രാജുവും പുരസ്കാര സമർപ്പണം ഡെപ്യൂട്ടി സ്പീക്കർ ചിറ്റയം ഗോപകുമാറും നിർവഹിച്ചു. 

വി.എസ്.ശിവകുമാർ അധ്യക്ഷനായി. കടകംപള്ളി സുരേന്ദ്രൻ എം.എൽ.എ., കരമന ജയൻ, ബീമാപള്ളി പീരുമുഹമ്മദ്, ഉദയ സമുദ്ര ചെയർമാൻ രാജശേഖരൻ നായർ, സമിതി ഭാരവാഹികളായ തെക്കൻ സ്റ്റാർ ബാദുഷ, പനച്ചമൂട് ഷാജഹാൻ എന്നിവർ പങ്കെടുത്തു. നടി ശ്രീലത നമ്പൂതിരിയെ ആദരിച്ചു. 

സംവിധായകൻ തരുൺ മൂർത്തി, നടന്മാരായ അലൻസിയർ, കുഞ്ഞുകൃഷ്ണൻ, നടിമാരായ ഗ്രേസ് ആന്റണി, ശ്രീലക്ഷ്മി, ഗായകൻ പന്തളം ബാലൻ, ഗായിക ആവണി മൽഹാർ, ഗാനരചയിതാവ് അജയ് വെള്ളരിപ്പണ, സംഗീതസംവിധായകൻ അർജുൻ രാജ്കുമാർ, ക്യാമറാമാൻ അനീഷ് ലാൽ, തിരക്കഥാകൃത്ത് ഷാരിസ് മുഹമ്മദ്, സംവിധായകൻ മനോജ് പാലോടൻ, പി.ആർ.ഒ. അജയ് തുണ്ടത്തിൽ, ഗായകൻ അഖിൽപ്രഭ എന്നിവർ അവാർഡുകൾ സ്വീകരിച്ചു.